Taas nga opisyal sa Russia napatay sa Ukraine

Napatay sa Ukraine ang kinatas-ang heneral sa Russia nga giingong responsable sa paggamit sa kemikal nga mga hinagiban sa mga sundalong Ukrainiano.

Gipasigarbo sa Ukraine ang pagkamatay ni Lieutenant General Igor Kirillov, ang kumander sa Nuclear, Biological ug Chemical Protection Troops.

Ang Ukraine nagbutang ug bomba sa iyang motorsiklo nga giparking sa iyang apartment sa Moscow.

Ang iyang katabang namatay uban kaniya.

Human mibiya ang duha sa bilding sa lungsod sa Ryazansky Prospekt sa Moscow, mibuto ang bomba.

Ang 54-anyos nga si Kirillov mao ang labing senior nga opisyal sa militar sa Russia nga gipatay sa yuta sa Russia.

Gipasalig sa Russia nga mobawos sila diin gitawag nila ang insidente nga usa ka matang sa terorismo.