Pamilya sa Germany, world record holder tungod sa daghang Christmas tree sa ilang balay

Naghupot sa world record ang usa ka pamilya sa Germany tungod sa daghang Christmas tree nga gitukod sa ilang balay.
Diin mokabat sa 605 ka mga Christmas tree nga fully decorated.

Sa pag-abli palang sa balay world record holder kay mosugat dayon ang maanindot ug maanyag nga mga Christmas tree sa pultahan sa balay sa pamilyang Jeromin.

Mabatyag gayud ang pasko tungod sa 120,000 ka mga dayandayan, 50,000 ka Christmas lights ug liboan ka mga Christmas figurine.

Mao nga ang pamilyang Jeromin ang gihatagan sa world record nga adunay labing daghang dekorasyon nga mga Christmas tree sa usa ka lugar, nga gikumpirmar sa Record Institute for Germany (RID).

Gihuptan usab sa pamilya ang maong titulo niadtong 2017 hangtod 2021 ug 2023.