Nasakmit ang second runner-up ni Philippine bet Alyssa Marie Redondo sa bag-uhay nahuman nga Miss Intercontinental 2024 nakalabay nga adlaw.
Nakuha usab sa Filipina beauty queen ang special awards apil ang Best in Swimsuit ug Power of Beauty Special award nga maoy hinungdan nga naapil sa top 7 atul sa pageant’s coronation night didto sa Egypt.
Sa iyang instagram post nagpasalamat si Alyssa sa kalampusan nga naangkon sa pag-apil sa beauty pageant.
Matud niini ang pagsakmit sa second runner up ang gikonsidera niini nga “incredible achievement,” kini tungod labing una nga miapil sa international competition.
Gipasalamatan usab ni Alyssa ang mga kauban sa pageant nga nagpakita ug panaghiusa .
Gipasalamatan usab ang mga Filipino nga misuporta sa iyang kalampusan. Maria Cepero Puerto Rico
Samtang si Puerto Rico’s Maria Cepero ang gikoronahan nga Miss Intercontinental 2024.
Sa ika 52 ka tuig sa Miss Intercontinental duha ka Pinay beauty ang midaug kini mao silang Karen Gallman kaniadtong 2019 ug Cinderella Faye Obeñita kaniadtong 2021.
