SARANGANI PROVINCE– Gikumpirma ni Dr. Arvin Alejandro, provincial health officer sa Sarangani Province nga sa kinatibuk-ang 142 ka mga barangay ug nagkalain-laing mga munisipyo sa probinsya anaa sa 39 nalang ang wala madeklara nga nahimong zero open defecation municipality.
Ang zero open defecation kon (ZOD) status mao ang panahon nga ang mga tagsa-tagsa ka panimalay adunay mga kaugalingong sanitary toilet facility. Tungod sa maong programa malikayan nga makita sa kadalanan ang mga hugaw sa tao.
Samtang, ang Malungon ang unang nadeklara nga municipal wide ZOD status kaniadto pang tuig 2016.
Gisundan kini sa Alabel kaniadto pang 2017 ug dayon ang Maitum kaniadto lang miaging tuig.
Gipaklaro usab ni Dr. Alejandro ang rason kung nganong aduna pay nahibilin nga mga barangay nga wala maapil sa zero open defecation.
Mihatag usab ug pamahayag si Dr. Arvin Alejandro kung unsa ang negatibong epekto sa mga tao kung walay kaugalingong pansayan ang matag panimalay
