Gidala sa tambalanan si Office of the Vice President (OVP) Special Disbursing Officer Gina Acosta samtang siya niatubang sa hearing sa House Committee on Good Government and Public Accountability Lunes sa gabii.
Sukad niadtong Lunes sa buntag, unang higayon nga nipatim-aw si Acosta human sa makadaghang higayon nga wala makatambong sa maong hearing.
Sukad sa hapon, gipangutana siya ni Batangas 2nd District Representative Gerville Luistro kung unsa ang iyang tahas sa pagka OVP Special Disbursing Officer.
Gipangutana siya sa mga magbabalaod kon unsay iyang papel sa pag-disburse sa confidential funds sa OVP ug dinhi iyang giangkon nga iyang gitugyan ang P125-Million ngadto kang Vice Presidential Security and Protection Group (VPSPG) Commander Col. Raymund Lachica ang security officer sa OVP.
Sa nasangpit nga pagdungog, gihangyo ni Bise Presidente Sara Duterte nga temporaryong suspensuhon ang pagdungog aron mahatagan og hangin si Acosta.
Pasado alas sais sa gabii dihang padayon nga gimonitor sa mga doktor ang iyang panglawas hangtod nga gipagawas siya sa kwarto sakay sa wheelchair.
Giubanan ni Duterte si Acosta nga gidala sa Veterans Memorial Medical Center.
