Gikabalak-an ni Tingog Rep. Gipakita ni Jude Acidre ang “toxic behavior” ni Bise Presidente Sara Duterte nga daw timailhan sa iyang kakuwang sa saktong panghunahuna.
Matod ni Acidre nga imbes tubagon ni Duterte ang mga pangutana kalabot sa paggamit sa iyang P612.5 milyones nga confidential fund, naghimo siya og drama.
Matod ni Acidre, wala na gihatagan ni VP Sara og dignidad ang iyang opisina.
Gihimo ni Acidre ang pamahayag human daw nagkampo sa Batasan Complex human natanggong didto ang iyang chief of staff nga si Zuleika Lopez.
Gitataw ni Acidre nga ang kinahanglang buhaton ni Duterte mao ang pagtubag sa giingong sayop niyang paggamit sa confidential funds sa Office of the Vice President (OVP) ug sa Department of Education, niadtong siya pa ang nagdumala.
Gisaway usab sa magbabalaod ang mga pamahayag ni Duterte batok sa mga lider sa nasud, apil na si Speaker Martin Romualdez.
Gipasidan-an ni Acidre nga ang ingon nga mga pamatasan mahimo’g makaguba sa pagsalig sa publiko sa iyang pamunoan.
Gisubli usab ni Acidre ang kamahinungdanon sa pagpanubag sa mga opisyal sa gobyerno.
