Gikatakdang makigtagbo ang Presidente sa US nga si Joe Biden sa katapusang higayon uban ang Presidente sa China nga si Xi Jinping karung adlawa Nobyembre 16.
Taliwala kini sa mga pagpangandam ni Biden nga itugyan ang gahum sa napili nga Presidente nga si Donald Trump karung Enero 2025.
Ang duha ka mga lider magtagbo sa sidelines sa APEC summit 2024 sa Peru.
Kini ang ikatulo nga panagtagbo tali ni Biden ug Xi sukad si Biden nahimong Presidente.
Dili sama sa nangaging mga miting, ang mga senior nga opisyal sa US naghulagway nga ang katapusang miting sa duha nga mga lider mahimong usa ka panahon sa pagpamalandong tali sa duha ka nasud nga adunay maayong relasyon nga nagsugod kapin sa usa ka dekada na ang milabay.
Posible usab nga hisgutan sa duha ang mga resulta sa eleksyon sa US Presidential 2024 sa miaging semana diin midaog si Trump.
Kahinumduman, nga si Trump mihimo og maisugon nga mga pamahayag batok sa China atol sa kataas sa iyang kampanya sa eleksyon.
Diin naghulga kini nga magpahamtang og dugang nga taripa sa mga importasyon sa China isip lakang sa pagpanalipod sa industriya sa Amerika.
Una niini, gisulayan ni Trump nga adunay lig-on nga relasyon sa Presidente sa China nga si Xi sa sayong bahin sa iyang una nga termino isip Presidente, apan ang ilang relasyon nadaot taliwala sa mga panaglalis sa pamatigayon ug ang China mao ang gigikanan sa COVID-19.
