Naaresto ug napriso didto sa California si retired Police Colonel Royina Garma sumala sa Department of Justice (DOJ).
Kini human gikataho sa Philippine National Police ug Department of the Interior and Local Government.
Sumala kang Justice spokesperson Mico Clavano si Garma ug iyang anak ang naaresto ug na detain sa San Francisco kaniadtong November 7.
Gikadugang ni Clavano nga nagmando si Justice Secretary Jesus Crispin Remulla kang Immigration Commissioner Joel Viado nga hikayon ang pagbalik ni Garma sa Pilipinas.
Matud kang Clavano nga malaumon nga bisan gibawi ang contempt order sa Congress gumikan sa padayon nga imbestigasyon andam gihapon mokooperar sa gobyerno.
Kaniadtong September gi cite in contempt si Garma sa House Quad Committee apan dali kini nga gibawe.
