14 ka tawo patay human naigo ug kilat sa Uganda

Usa ka makamatay nga kilat ang nakapatay sa 14 ka mga residente sa usa ka refugee camp sa lungsod sa Palabek, Uganda diin 13 niini mga bata.

Matod sa pulis nga si Kituuma Rusoke, nahitabo ang insidente niadtong Sabado, Nobyembre 2 samtang nagpahigayon sila og prayer service sa temporaryong estraktura nga hinimo sa metal.

Dugang niya nga 34 ka mga residente ang natala nga naangol.

Ang maong kampo mao ang dapit diin ang dul-an sa 80,000 ka mga refugee gikan sa South Sudan nagpuyo.