Gibasol ni Senadora Imee Marcos ang matod pa kakulangon sa sayong pasidaan sa PAGASA nga nahimong rason sa pagkamatay sa daghang indibidwal tungod sa bagyong Kristine.
Gibutyag ni Senadora Marcos nga walay paigong pasidaan gikan sa state weather bureau kabahin sa posibleng epekto ni Kristine, nga gikamatay sa dili muobos sa 146 ka indibidwal og gikaangol sa 91 katawo, samtang 19 ang missing.
Gihingusgan sa senadora, kung napasidan-an og tarong sa PAGASA ang local government unit kabahin sa epekto sa ulan, nakahikling og sayo ang daghang indibidwal og wala namatay.
Pangutana pa ni Marcos nganong daw matag adunay bagyo ang kulang sa pasidaan bisan nga adunay paigo nga pondo ang gobyerno.
Kung ikumpara ang 2024 General Appropriations Act sa 2025 National Expenditure Program, mitaas ang budget sa Department of Science and Technology og P1.542 bilyon.
Mitaas usab ang budget sa PAGASA og P290 milyon, gikan P1.641 billion, nahimo kining P1.931 billion alang sa 2025.
