Nanawagan si Senador JV Ejercito sa mga kaubang senador nga tapuson na ang imbestigasyon sa war on drugs sa kanhi Duterte administration.
Matod ni Ejercito, nakigsulti na usab si kanhi Presidente Rodrigo Duterte sa mga alegasyon sa drug war ug ang nahipos nga impormasyon igo na alang sa Blue Ribbon Committee nga makahimo og committee report.
Alang sa senador, mas maayo nga dili na lang lugwayan ang pagdungog bahin sa drug war aron masentro sa Senado ang mga sugyot nga mas makatabang sa isig ka Pilipino.
Matod niya ang impormasyon kinahanglang itugyan ngadto sa Department of Justice (DOJ) ug ubang ahensya alang sa pagpasaka og kaso o bisan unsang kausaban sa polisiya.
Giangkon ni Ejercito nga dili ikalimod nga mahimo lang mapolitika ang imbestigasyon sa kampanya batok sa ilegal nga drugas kon magpadayon ang imbestigasyon.
