Gialmahan sa Department of Justice (DOJ) ang mahimong pamahayag ni kanhing Pangulong Rodrigo Duterte nga misaka matud pa ang krimen human sa termino niini.
Sumala sa DOJ nga ang nahimong pamahayag sa kanhing Pangulo ang sukwahi sa mga komprehensibo nga datus gikan sa Philippine National Police (PNP).
Base sa ilahang datus nga og itandi gikan Hulyo 1, 2022 hangtod Enero 31, 2024 adunay 324,368 nga kaso o mas ubos kini sa 10.66% nga natala gikan Disyembre 1, 2020 hangtod Hunyo 30, 2022.
Pipila sa mga krimen nga miubos mao matud pa ang rape, physical injury, robbery, murder, carnapping ug homicide.
Kahinumdumang gibutyag ni Duterte kagahapon atol sa senate hearing nga misaka ang krimen human sa termino niini.
Sa pikas bahin, mipalag sab ang palasyo sa nahimong pamahayag ni kanhing Pangulong Rodrigo Duterte nga naghitak gihapon ang krimen sa nasud ubos sa administrasyong ni Pangulong Ferdinand Marcos Jr.
Sa usa ka pamahayag ni Executive Secretary Lucas Bersamin nga ang pamahayag ni Duterte sukwahi gayud sa statistics sa PNP karon diin miubos ang krimen sa tibuok nasud.
Gipasundayag sa Malakanyang nga nakab-ot karon ang stability ug napabilin ang peace and order sa nasud nga dili mabutang sa alanganin ang katungod sa matag Pilipino.
Gihatagan usab og gimbug-aton ni Bersamin nga sa pagkakaron makunsidera gayud nga safe and secured ang nasud ubos sa administrasyon ni Pang. Ferdinand Marcos jr.
Gibuhat ni Duterte ang iyahang pamahayag atol sa pagtambong niini sa pagdungog sa Senado.
