Subling giila ang Bombo Radyo Philippines isip major winner sa 46th Catholic Mass Media Awards (CMMA) nga nakakuha og labing taas nga kadungganan og nominasyon sa nagkalain-lain nga mga kategorya.
Ang Bombo Network News mao ang nagdaog og prestihiyoso nga award nga Best News Program, samtang ang Afternoon Starsweep usab sa Star FM Bacolod mao ang giila nga Best Entertainment Program.
Nakuha usab sa network ang special citations sa upat niini ka mga programa nga mao ang mga musunod:
Best Business Program – Bombo Special Report sa Bombo Radyo Philippines
Best News Commentary – Bombo Special Report sa Bombo Radyo Philippines
Best News Feature – Bombohanay Bigtime sa Bombo Radyo Koronadal og ang Good Morning Philippines sa Bombo Radyo Laoag
Gipakita sa Bombo Radyo Philippines ang gahom niini sa industriya human nakuha ang finalist spots sa walo gyud sa siyam ka kategorya sa CMMA karong tuiga tungod sa taas nga kalibre sa content.
Ania ang dugang nga finalists gikan sa network:
Best Counseling Program – Kahapon Lamang sa Bombo Radyo Dagupan
Best Drama Program – Recuerdos Dela Vida sa Bombo Radyo Vigan og ang The Messiah sa Star FM Cebu
Best Educational Program – Bombo Special Report sa Bombo Radyo Philippines og ang The Visita Iglesia sang Bombo Radyo Legazpi
Best News Commentary – Bombohanay Bigtime sa Bombo Radyo Baguio
Best News Feature – Bombohanay Bigtime sa Bombo Radyo Koronadal og Good Morning Philippines sa Bombo Radyo Laoag
Best News Program – Bombo News and Views Morning Edition sa Bombo Radyo Cebu
Sa kamatuoran, karong tuig, interesante nga internal competition ang nasaksihan sa mga programa sa Bombo Radyo sa mga kategorya nga Best News Program, Best News Feature, Best News Commentary, Best Education Program, og Best Drama nga pagpakita lamang sa consistent nga dekalidad nga mga content sa nagkalain-lain nga estasyon sa network.
Ang CMMA nga usa ka award-giving body nga giila sa media tungod sa Kristohanong buhat niini nga nag-ila sa dedikasyon sa Bombo Radyo Philippines sa pag-apil, informative, ug value-driven nga broadcasting isip standard nga giila sa mga Filipino bisan asa sa kalibutan.
