-- ADVERTISEMENT --
Mukabat na sa 158 nga lugar sa tibuok nasud ang nagdeklara og state of calamity tungod sa bagyong Kristine.
Sumala sa National Disaster Risk Reduction and Management Council (NDRRMC) nga ang labing daghan mao ang Bicol region nga adunay 78 ka lugar nga gisundan sa Calabarzon nga may 63 og Eastern Visayas nga may 13.
Ang mga probinsiya sa Albay, Camarines Sur, Camarines Norte og Catanduanes lakip usab ang Bulan sa Sorsogon ang maoy mga lugar nga ulahing nagdeklara og state of calamity.
Matud ni NDRRMC spokesman Edgar Posadas nga nagpahigayon gihapon sila og mga validation sa tinuod nga ihap sa mga namatay nga unang nareport nga anaa sa usa ka gatus na.
