China gisiguro nga panubagon ang US sa pagbaligya niini og armas sa Taiwan

Gisiguro sa China nga dili nila palampason ang ginahimong pagtabang sa US sa Taiwan.

Kini human sa pag-apruba sa US sa $2-billion nga arms sale package sa Taiwan.

Gilangkoban kini sa mga surface-to-air missile systems og radar isip pamaagi aron maatbangan ang mitaas nga military power sa China sa Asia Pacific.

Sumala sa Foreign Minstry office sa China nga ang maong gihimo sa US ang usa ka paglapas sa soberanya nila.

Himuon matod pa nila ang tanang makaya aron mapanubag ang US.

Kahinumduman nga gipamugos gihapon sa China nga kabahin gihapon sa ilang nasud ang Taiwan.