Nanguna si kanhi President Rodrigo Duterte ug ang ubang kabanay sa mga biktima sa extrajudicial killings (EJK) ug 30 ka uban pa ang giimbita sa war-on-drugs investigation sa senado.
Ipahigayon karong Lunes, Oktubre 28 ang hearing sa Senate Blue Ribbon subcommittee nga gipangulohan ni Senador Koko Pimentel.
Gawas kang Duterte, giimbita usab si kanhi senador Leila De Lima ug ubang personalidad sama ni kanhi Philippine Charity Sweepstakes Office (PCSO) General Manager ug retired police Col. Royina Garma ug kanhi Iloilo City Mayor Jed Mabilog.
Samtang si Senador Joel Villanueva, kinsa maoy vice chair sa subcommittee, nagtuo nga importante ang presensiya ni Duterte ug masiguro nga matinahuron ang husay.
Una na usab nga niingon si Pimentel nga igo na ang tulo ka hearing alang sa nahisgutang butang sa war-on-drugs.
