Mukapin na sa 100,000 ka mga tawo sa Albay ang gihikling padulong sa mga evacuation center gumikan sa epekto sa bagyong Kristine, sumala kang Albay Acting Governor Glenda Bongao.
Daghan sa mga residente, sumala kang Gov. Bongao, ang nakalitan sa pagbaha hilabi na sa mga lugar sa Albay nga kanhi wala maabot sa tubig-baha.
Kasagaran usab sa mga nahisgutan ang nag kumpiyansa hinungdan nga wala namahawa sa gipuy-an una nahagsa ang makusog nga ulan.
Sumala usab kang Albay Provincial Disaster Risk Reduction and Management Office officer-in-charge engineer Dante Baclao, ulahing nakasinate ang probinsya sa Albay ug sama nga pag-ulan ug pagbaha, 55 ka tuig ang nakalabay.
Gawas sa mukapin 100,000 ka mga tawo nga mipasilong sa mga evacuation center adunay mga residente ang temporaryo nga mihikling una sa ilang mga kaila ug mga kabanay.
