Dili mahimo magamit sa mga kandidato sa 2025 elections ang short-form video platform nga TikTok alang sa ilang pagpangampanya.
Sumala kang Tiktok Philippines public policy manager Peachy Paderna, dili nila ipagawas kini nga political advertisements tungod ang ilang mayor nga tuyo dili mao nga tungaon ang mga tawo kun dili i-promotar ang environment nga naga-usa ang mga tawo pinaagi sa positibo nga mga dayalogo.
Sa miaging adlaw , ang mga representante sa maong social media platform ang mitambong sa ceremonial signing sa pledge of support sa technology companies sa Commission on Elections (Comelec).
Uyon ang poll body sa maong lakang tungod nabawasan ang ilang imonitor nga social media platform atol sa campaign period.
Sa bahin sa Google, gibutyag usab niini nga dumilian usab nila ang paid political advertisements sa ilang platform.
Apan sa Meta nga mao ang parent company sa Facebook og Instagram, gibutyag nga tugotan niini ang advertisements aron nga ma-promotar ang transparency og hatagan og patas nga oportunidad ang tanan nga mga kandidato.
Dugang sa Meta, ginatapna nila ang troll accounts sa ilang platforms pinaagi sa pag-implementar og mga lakang og nagapartner usab sa nagkalain-lain nga stakeholders.
Kahibaluan nga ilawom sa patakaran sa Comelec, gina-require ang mga kandidato nga magparehistro sa ilang social media accounts og ginahangyo usab nga mag-isyu og disclosure sa tanan nga election and campaign paraphernalia nga nahimo pinaagi sa artificial intelligence.
