Mikagat sa hagit sa mga kongresista si Bise Presidente Sara Duterte nga mopailawom sa ‘neuropsychiatric test’ human siya niingon nga iyang lungkabon ang lubnganan sa amahan ni President Ferdinand “Bongbong” Marcos Jr., si kanhi Presidente Ferdinand Marcos Sr. ug ang iyang lawas ilabay sa West Philippine Sea kung dili kuno siya pugngan sa mga Marcos sa pagpangipit sa politika.
Matud niya nga gawas sa neuropsychiatric test, mag paubos usab siya sa drug test, apan tungod dili man stable sa iyang panan-aw ang mga kongresista, iya usab kining gihagit nga magpa-drug test.
Nanawagan usab kini sa Philippine Medical Association, Philippine Psychiatric Society, nga muhimo na ug mga ‘guidelines’ alang sa ilaha sa labing daling panahon .
Giingong dili na mahimo ang test human sa tulo ka buwan tungod kay makapasar lang sila ug ma-clear sa test kon tinuyo nilang mohunong sa paggamit og drugas sulod sa 3 ka buwan.
Gihatagan usab og gibug-aton sa bise presidente nga kinahanglang ipasalida sa telebisyon ang pagsulay aron dili kini matago sa publiko.
Matod ni Duterte, gikinahanglan ang independent 3rd party hair follicle testing busa nanawagan siya sa PMA nga ipahigayon ang drug testing nga iyang gipangayo sa tanan kanila.
Gitataw sa bise presidente nga wa siyay problema, apan ang administrasyon giingong nagduso kaniya nga modapig sa oposisyon.
Dugang pa niini nga ang mga naga saway kaniya ang mga tawo nga dili siya ma areglo ug dili siya mabayaran ug kwarta
