Scam hub sa Makati City gironda sa NBI; 17 ka langyaw nasikop

Gironda sa National Bureau of Investigation (NBI) cybercrime division ang usa ka building nga nagsilbing scam hub sa dakbayan sa Makati.

Gipahigayon sa mga otoridad ang raid sa sayong mga oras sa Sabado sa buntag.

Mokabat sa 17 ka mga langyaw nga gituohang nalambigit sa nagkadaiyang scamming ang nasikop.

Nasakmit usab sa mga otoridad ang mga computer, sim card, cellphone ug notebook diin gisulat ang script sa mga suspek sa pagpangilad.

Base sa imbestigasyon sa NBI, pipila ka adlaw nilang gipanid-an ang lugar una pa gihimo ang operasyon.

Giimbestigahan na sa mga otoridad ang dinakpan nga suspek ug masuta kung kinsa ang uban pa nilang mga kauban.