Gianunsyo sa Malacanang gabii October 7, 2024 pinaagi sa suwat nga gipadala ngadto kang President Ferdinand Marcos Jr. nga hingpit na nga mikanaog isip chairperson sa Civil Service Commission (CSC) si Karlo Nograles.
Sa maong press release, gisulti matud pa ni Nograles nga aduna siyay plano nga musulod sa public office sa Davao City. Buot matud pa sa opisyal nga mubalik sa syudad ug i-apply ang iyang natun-an sa CSC.
Segun ni Nograles nga una pa siya nahimong head sa komisyon, miserbisyo kini og tulo ka termino isip congressional representative sa Davao City’s 1st district. Ug sa iyang pagkaparte sa House of Representatives, dako sumala pa siya og partisipasyon sa pagduso sa mga balaod nga sama sa Green Jobs Act, the JobStart Philippines Act, ug the Universal Access to Quality Tertiary Education Act.
