Gimandoan ni Philippine National Police (PNP) chief Gen. Rommel Marbil ang mga police unit sa tibuok nasud nga pahugtan ang seguridad, partikular na batok sa mga armadong grupo nga mahimong makagubot sa nagkaduol nga campaign period alang sa 2025 elections.
Gihimo sa PNP chief ang direktiba dungan sa nagpadayong pagsumite og Certificate of Candidacy (COC) alang sa 2025 polls nga matapos ugma, Oktubre 8.
Sa usa ka statement, gibutyag usab sa PNP Chief nga kritikal ang ilang responsibilidad sa pagsiguro nga luwas og patas nga palibot alang sa tanang kandidato bisan sa publiko.
Matud kang Marbil, tutukan sa puwersa sa kapulisan ang mga lugar nga adunay kasaysayan sa kagubot nga adunay kalabotan sa eleksyon pinaagi sa pagtaas sa police visibility, pagbutang og mga checkpoint, og padayong pagmonitor sa maong mga lugar.
Una ng nagpagawas og hugot nga pahimangno si Marbil sa tanang pulis batok sa pagserbisyo sa mga pulitiko.
Gipahinumdom usab niya kanila ang importansya sa pagpabilin sa hugot nga neutralidad og paglikay sa partisipasyon sa mga gimbuhaton nga adunay kalambigitan sa pulitika.
