GENERAL SANTOS CITY – Pulos patay ang mag live in partner nga gipagawas sa ilang gipuy-an kagahapong adlawa sa Lansang village, Lagao ning syudad.
Matud pa nga nagkagubot na lamang ang mga silingan human nakadungog nga nag-away ang duruha nga nagresulta sa pagdinunggabay. Nahitabo ang krimen alas 2 sa hapon October 6,2024 nga kasamtangan gina imbestigahan pa sa kapulisan sa Lagao.
Giila ang babaye nga biktima nga si Rebecca Campon nga residente sa Datal Batong, Malungon, Sarangani Province samtang ang kapuyo niini giila nga si Reymond Pagtulon-an, usa matud pa ka mekaniko nga taga-Lanao del sur.
Nagkaproblema matud pa ang relasyon sa magkapuyo nga kanunay hinungdan sa panag-away.
Ang mga silingan matud pa ang nakadeskubre sa duha nga wala nay kinabuhi sulod sa ilang gipuy-an.
Matud sa kapulisan nga may kabanay na nga miabut sa punerarya aron hikayon ang pagkuha sa mga patay nga lawas sa biktima.
