GENERAL SANTOS CITY – Naka-file na og certificate of candidacy(COC) ang anak ni kanhi Senator Manny Pacquiao nga si Michael Pacquiao.
Kaganihang buntag, Uktobre 5, 2024 nagpakita sa ilang hugot nga suporta ang boxing champ og kanhi Senador Pacquiao og asawa niining si Jinkee dihang giubanan ang anak sa Comelec Gensan Office sa pagduso sa kandidatura isip konsehal sa dakbayan.
Ang 22 anyos nga si Michael ang labing batan-ong kandidato sa ilang partido, ang Peoples Champ Movement(PCM).
Sa pakighinabi kang Michael, gibutyag niini nga ang ama ang iyang inspirasyon nga musulod sa pulitika.
Sa iyang pamahayag, kini tungod nakita niya ang amahan nga gatabang sa katawhan og ginahatag ang serbisyo sa publiko.
Una ang pag-file og COC, nagpa-misa ang tibuok partido sa Our Lady of Peace and Good Voyage Parish nga giduyogan usab sa ilang mga supporters.
Usa ka rapper-singer og negosyante si Michael og mudagan ilawom sa PCM party.
