Gikatakdang mahidangat sa nasud ang Pangulo sa Republic of Korea nga si His Excellency Yoon Suk Yeol, alang sa usa ka State Visit sa October 6 hangtod 7.
I-welcome sa Palasyo sa Malakanyang nilang Pangulong Ferdinand Marcos Jr. og First Lady Liza Araneta – Marcos si President Yoon og ang asawa niining si First Lady Kim Keon Hee sa ipahigayong seremonya sa Lunes, October 7,2024.
Ang pagbisita sa nasod ni President Yoon ang dungan sa ika-75 anibersaryo sa pagkatukod sa diplomatic ties tali sa duha ka nasod.
Sumala sa Presidential Communications Office (PCO) makaangkon og bilateral meeting ang duha ka lider aron hisgotan ang areas of mutual interest susama sa kooperasyon kabahin sa pulitika, seguridad og depensa, maritime, economic and development fields, people-to-people ties, ingon man labor and consular matters.
Gipaabot usab nga magbayloanay og panglantaw silang Pangulong Marcos og President Yoon kabahin sa regional international issues ug subling palig-unon ang maayong relasyon sa duha ka nasod.
Kini ang labing una nga bilateral visit sa usa ka Pangulo sa Republic of Korea sa Pilipinas gikan sa miaging 2011.
