Gilayon nga gitubag ni Kylie Padilla ang comment sa netizen nga “No thanks. We good.” sa panawagan nga unta magkabalikan sa kanhi bana nga si Aljur Abrenica.
Matud ni Kylie nga malipayon kini nga kauban silang Alas ug Axl .
Gani gi share niini sa IG ang hulagway kauban sa duha ka anak nga gitawag niini ug mga Anghel.
Gibutyag ni Kylie nga kanunay siyang pahinumduman ni Alas nga mukuha ug tubig mainum ug ibutang kilid sa higdaanan samtang si Axl kanunay nga gasunod kaniya ug gapangayu sa iyang gatas.
Wala gitago ni Kylie nga si Aljur maoy amahan sa duha niini ka mga anak apan nagkabulag human gikumpirma sa Amahan nga si Robin Padilla kaniadtong 2021.
Sa ulahi giangkon ni Aljur nga nagluib siya sa ilang panag-uban ni Kylie.
Luyo sa ilang panagbulag hapsay matud pa ang ilang panag estorya alang s a ilang mga anak.
Kasamtangan karelasyon ni Aljur si AJ Raval, samtang gikumpirma ni Kylie kaniadto lamang Hulyo nga may nagpalipay kaniya nga usa ka non-showbiz guy.
