Giaprobahan sa Senado sa ikatulo ug katapusang pagbasa ang ‘Ligtas Pinoy Centers Act’ (Senate Bill No. 2451) nga nagmando sa tanang local government units nga magtukod ug kaugalingong evacuation centers, sumala ni Senador Win Gatchalian.
Si Gatchalian, ang nag-unang tagsulat sa maong sugyot, niingon nga usa ka lakang nga ang matag siyudad ug lungsod sa tibuok nasod aduna nay kaugalingong evacuation centers.
“Sa panahon ng anumang kalamidad, tulad ng bagyong nararanasan ng bansa ngayon, magiging mas madali ang paglikas ng mga apektadong residente kung mayroon silang permanenteng ligtas na matutuluyan. Mas mapapabilis din ang proseso para sa mga lokal na pamahalaan sa pagtiyak ng kaligtasan ng kanilang nasasakupan,”
Ubos sa maong balaudnon, diin co-author ug co-sponsor si Gatchalian, gimandoan ang pagtukod sa mga evacuation centers sa matag siyudad ug munisipyo, nga maghatag dayon og kapuy-an sa mga namakwit o temporaryong nawad-an og puy-anan tungod sa bagyo ug uban pang emerhensiya sama sa baha, linog, pagbuto sa bulkan, sunog, pagdagsang sa sakit, ug uban pa.
Si Gatchalian, chairperson sa Senate Committee on Basic Education, nitumbok nga ang pagtukod og mga evacuation centers sa tanang siyudad ug munisipyo makatabang sa paghunong sa paggamit sa classroom isip temporaryong kapuy-an, hinungdan sa pagkalangay sa pagkat-on kon adunay kalamidad.
“Kung magpapatayo ang bawat lungsod at munisipalidad ng matatag na mga evacuation center, mapipigilan na ang paggamit sa ating silid-paaralan bilang pansamantalang tirahan ng mga nasalanta ng kalamidad,”
Ang balaudnon naglatid nga ang mga evacuation center kinahanglan nga makasugakod sa hangin nga adunay gikusgon nga labing menos 300 kilometros matag oras ug seismic activity nga moabot sa 8.0 magnitude.
Ang mga evacuation center kinahanglan usab nga adunay mga pasilidad sama sa mga tulugan, bulag nga kasilyas ug shower alang sa mga lalaki ug babaye, mga lugar alang sa pag-andam sa pagkaon ug kan-anan, ug gitawag nga mahigalaon nga mga lugar alang sa mga babaye ug bata.
