Paga ablihan pag usab sa Philippine National Police (PNP) ang imbestigasyon sa kamatayon sa gipatay nga retired police general ug kanhi Philippine Charity Sweepstakes Office (PCSO) secretary Wesley Barayuga.
Matod ni PNP Chief Police General Rommel Francisco Marbil, kini tungod sa bag-ong testimonya nga naglambigit sa pipila ka dagkong opisyal sa pagpatay sa usa ka kanhi pulis niadtong 2019.
Pagkahuman, gitahasan ni Marbil ang Criminal Investigation and Detection Group (CIDG) aron manguna sa imbestigasyon.
Una nang gikataho nga si Police Lt. Col. Santie Mendoza sa House Quad Committee hearing niadtong Septiyembre 27 nga gimandoan siya ni National Police Commission (NAPOLCOM) Commissioner Edilberto Leonardo ug kanhi PCSO General Manager Royina Garma sa pagplano sa pagpatay.
Matud pa ni Mendoza nga gimandoan siya sa paghimo sa gitawag nga “operasyon” batok kang Barayuga.
Sa iyang testimonya, si Mendoza niingon nga si Garma giingong nanghatag og intel alang sa operasyon, nga naglambigit sa usa ka high value individual nga nalambigit sa ilegal nga drugas.
Tungod sa maong mga pamahayag, gipasiugda ni Marbil nga kinahanglang buksan pag-usab ang imbestigasyon sa kaso nga nagsugod niadtong 2019.
