Gikatakdang mahimong bag-ong prime minister sa Japan si kanhi Japanese defense minister Shigeru Ishiba.
Kini human nga makuha niini ang majority sa iyang partido.
Adunay 215 nga miboto sa iyang partido nga mipabor kaniya samtang 194 usab ang mikontra.
Nangulo ang 67-anyos nga si Ishiba sa Liberal Democratic Party.
Pormal kining mulingkod sa puwesto sa bulan sa Oktubre kung asa mag-convene ang parlyamento og didto gihuptan sa iyang partido ang mayorya sa lower house.
Gipildi ni Ishiba ang walo ka uban pa nga gilangkoban nilang economic security minister Sanae Takaichi nga target nga mahimong unang babaye nga lider sa Japan, Shinjiro Koizumi nga anak ni kanhi prime minister Junichiro Koizumi.
Target ni Ishiba nga matangtang na ang Japan sa taas nga inflation rates og iduso niini ang pagsugot sa mga babaye nga kasado nga ipabilin ang ilang apelyido.
Hulipan ni Ishiba si Prime Minister Fumio Kishida nga gianunsiyo sa miaging Agosto nga mukanaog na sa puwesto kung mahuman na ang termino human ang panawagan nga mag-resign na lamang kini tungod sa mga giatubang niining iskandalo sa pulitika.
