Magpatabang si kanhi Comelec Commissioner Rowena Guanzon sa Korte Suprema, human nga gibasura sa Office of the Ombudsman ang ilang motion for reconsideration alang sa graft charges nga giatubang.
Nasayran nga nagsugod ang kaso ni Guanzon sa reklamong gipasang-at ni Atty. Ferdinand Topacio tungod sa paghisgot bahin sa disqualification case ni Presidente Ferdinand Marcos Jr. sa dihang kandidato pa kini.
Gibutyag usab niya nga ang nagsulat sa desisyon alang sa nahisgutang butang nga si Comm. Aimee Ferolino tungod sa pagtuo nga adunay nakahibalo sa maong butang.
Alang kang Topacio, dili kini angay buhaton sa usa ka opisyal sa komisyon tungod maisip kini nga kurapsyon.
Adunay nakit-an nga probable cause ang anti-graft body ug ipa-padayon ang reklamo ngadto sa korte.
Apan gihingusgan ni Guanzon, wala siyay gikuhang unsa mang kantidad o benepisyo hinungdan nga dili makatarunganon ang gipasang-at nga graft charges.
Hinuon, dihang magsumite siya og mosyon gibsura kini sa Ombudsman.
Nagtuo ang kanhi poll commissioner nga nakaangkon og pag-abuso ang anti-graft body sa paghupot sa iyang kaso.
