Nagbaylo-ay palupad ug rocket ang mga nasud Israel ug Lebanon adlaw nga dominggo samtang gibombahan sa mga eroplano sa Israel ang habagatang bahin sa Lebanon samtang giangkon sa Hezbollah nga nagpahigayon ug rocket attacks sa military targets sa amihang bahin sa Israel .
Unang giangkon sa Israeli military nga 290 ka target ang naigo apil ang libu-an ka Hezbollah rocket launcher barrels samtang magpadayon ang bombardiyo sa Iran-backed movement.
Gisiradhan sa Israel ang mga tulunghaan sa Norte nga bahin ug gidid-an ang mga panagtigum sa Israeli-occupied Golan Heights.
Madunggan usab ang siren sa kagabhi-on samtang galupad ang daghang rockets ug missiles gikan sa Lebanon ug Iraq ug kasagaran ang na intercept sa aerial defence systems sa Israel.
Gikataho usab ang pipila ka gambalay ug ambulansiya ang nahulugan sa mga tipaka hinungdan may nasamdan apan walay gikataho nga namatay.
Matud sa Hezbollah nga naigo sa ilang drone attack ang Ramat David Airbase sa Israel adlaw nga dominggo.
