GENSAN CITY – Nagpasidaan ang Commission on Elections sa publiko sa padayong voters registration nga matapos sa September 30 ning kasamtangang tuig.
Matud ni Atty. Jose Villanueva, Assistant Secretary sa Comelec Region 12, hangtod alas 5:00 sa hapon sa katapusan sa maong bulan ang pag-cater sa mga gustong magparehistro.
Magpaabot lang sila og Comelec resolution ugaling lugwayan pa ang voters registration apan hangtod karon walay nadawat ang ilang buhatan.
Gibutyag ni Atty. Villanueva nga sukad sa pagsugod sa registration niadtong February, sobra na sa target nga ihap sa mga registrants ang ilang natala.
Sa iyang pamahayag, kasagaran sa nasinatian nga problema atol sa registration mao ang pagdagsa sa hilabihang kadaghang tawo sa mga Comelec Offices atol sa ulahing adlaw.
Samtang gibutyag ni Atty. Villanueva nga andam na ang mga election officers og provincial election supervisors sa filing of Certificates of Candidacy (COC) nga gitakda October 1-8.
