Temporaryong nakagawas si kanhi Budget Undersecretary Christopher Lao human kini nakapiyansa og P90,000.
Matod sa PNP, nasikop kagahapon sa buntag, adlaw nga Miyerkules sa Criminal Investigation and Detection Group (CIDG) ang 47-anyos nga si Lao sa Barangay 18B, Obrero Davao City gumikan sa warrant of arrest nga gipagawas sa Sandiganbayan First Division kaniadtong Septiyembre 12.
Niisyu si Sandiganbayan 1st Division chair Maria Theresa Mendoza-Arcega sa warrant batok kang Lao tungod sa giingong paglapas sa Section 3 sa Republic Act 3019 o ang Anti-Graft and Corrupt Practices Act bahin sa butang sa Pharmally.
Kaniadtong Agosto, nagpasaka og graft charges ang Office of the Ombudsman batok kang Lao og kang kanhi Health Secretary Francisco Duque III tungod sa matod pa ilegal nga pagbalhin og pondo niadtong Covid-19 pandemic.
Sumala sa criminal information nga gipasang-at sa Sandiganbayan, ang pagbalhin sa Department of Health (DOH) og P41 billion sa Procurement Service-Department of Budget and Management (PS-DBM) niadtong 2020 ang ilegal og walay basehan.
Ang pondo alang sa pagpalit og mga medical supplies sama sa pandemya, lakip ang mga detection kit, nucleic acid extraction machine, mechanical ventilator, personal protective equipment, surgical mask, cadaver bag, og nagkadaiyang test kits.
Sumala sa Ombudsman nga gitugtan ni Duque ang pagbalhin og pondo bisan nga dili niini mapaspasan ang pagpatuman sa proyekto ug bisan sa kamatuoran nga ang DOH ang adunay kapasidad og katakos aron himuon ang pagpalit.
Si Lao usab gikasuhan ug graft tungod gidawat sa PS-DBM, kung asa siya nagsilbi isip executive director, ang P41-bilyong fund transfer og gipailawom ang DOH procurement sa 4% service fee nga dili muobos sa P1.65 billion.
