Nagpabiling balido ang mga kasal nga gi-officiate ni dismissed Bamban Mayor Alice Guo, kansang tinuod nga pangalan Guo Hua Ping sumala ni Justice Undersecretary Nicholas Ty.
Kini kon ang korte dapigan sa korte ang quo warranto petition sa Solicitor General aron ideklara nga null and void ang proklamasyon ni Guo isip usa ka pinili nga opisyal.
Gipaklaro ni USec. Ty nga ang mga gikasal ni Alice Guo sa panahon nga siya mayor sa Bamban Tarlac mahimong magdepende sa doctrine of operative fact kung asa base sa Korte Suprema ilawom niini giila ang pagkaanaa ug balido sa usa ka legal nga probisyon sa dili pa kini ideklara nga unconstitutional.
Matod ni Interior Secretary Benhur Abalos, ubos sa Family Code, nalatid nga kon ang gikasal, ‘in good faith’ nga nagtuo nag adunay awtoridad si Guo nga magkasal tungod mayor pa siya niadto, matod niya mahimo kining gamiton nga artikulo.
Ang mga pangutana bahin sa pagka-balido sa mga kasal nga gi-officiate ni Guo nitumaw atol sa plenary debate sa House of Representatives sa gisugyot nga 2025 budget sa Philippine Statistics Authority niadtong Lunes sa gabii.
Kahinumdoman nga niadtong Agosto, gimando sa Office of the Ombudsman ang pagpalagpot kang Guo human kini mapamatud-ang sad-an sa grave misconduct, human sa imbestigasyon sa giingong koneksyon niini sa usa ka illegal nga Philippine offshore gaming operator hub sa Bamban.
