Moduso og remedyo sa Korte Suprema si kanhi Presidential Spokesperson Harry Roque kalabot sa bag-ong contempt order sa quad-committee sa House of Representatives batok kaniya.
Matud ni Roque nga mopasaka siya og petition for writ of habeas corpus sa higayon nga madakpan siya sa legislative authority ug petition for certiorari tungod kay iyang giangkon nga giabuso sa quad-committee ang ilang discretion sa pagpangayo ug pribadong mga dokumento.
KahibalUan nga cite to contempt pag-usab si Roque sa quad-committee human pakyas kini sa pagtambong sa hearing ug wala usab nagsumite sa mga dokumento nga gikinahanglan sa panel, sama sa tax returns ug sa iyang Statement of Assets, Liabilities, and Net Worth (SALN).
Sa dihang gipangutana kon dili na ba siya motambong sa mga hearing, nagbutyag kini nga iya nalang itugyan sa hudikatura ang pagdesisyon kon legal ba ang maong contempt order.
KahinumdUman nga gihangyo sa Kamara si Roque nga mosumite og mga importanteng dokumento nga magpamatuod nga wala siya makabenepisyo sa Philippine offshore gaming operator (Pogo) hubs.
Misang-at suab og motion to quash the subpoena si Roque apan gibalibaran kini human gisaysay ni Batangas Rep. Gerville Luistro nga ang “public welfare” ang nag-una kay sa “personal privacy”.
Kahibaluan nga gilambigit su Roque sa Lucky South 99 nga gi-raid nga Pogo hub sa Porac, Pampanga, human nakit-an sa mga operatiba ang mga dokumento nga pirma niya.
