Mas mikusog pa ang posibilidad nga mapriso sulod sa 1200 ka tuig si dismissed Bamban Tarlac Mayor Alice Guo.
Kini kung mapamatud-ang guilty sa 87 ka ihap sa money laundering.
Namahayag si Anti-Money Laundering Council director (AMLC) Adrian Arpon, nga ang usa ka ihap sa paglapas sa Republic Act No. 9160 o Anti Money Laudering Act musumada sa pito hangtud 14 ka tuig nga sentensya.
Kahinumduman nga niadtong Agosto 30, gisang-at sa AMLAC, National Bureau of Investigation, ug sa Presidential Anti Organized Crime Commission ang dul-an 90 ka ihap sa kaso batok kang Guo, sa iyang igsoon nga si Shiela, ug laing 33 pa ka mga indibidwal nga nalambigit sa ilegal nga pagtukod ug operasyon sa Philippine Offshore Gaming Operation o POGO Hubs sa Bamban ug sa Poras Pampanga.
Kagahapon, sa gilusad nga pagdungog sa Senate Committee on Women, Children, Family Relations, and Gender Equality padayong naglikay ang natangtang nga mayor sa pagtubag sa mga pangutana sa Senado sa iyang kalambigitan sa ilegal nga POGO sa Central Luzon.
