Na-cite in contempt sa ikaduhang higayon sa Senate Committee on Women, Children, Family Relations and Gender Equality ang napalagpot nga mayor sa Bamban, Tarlac nga si Alice Guo.
Kini tungod sa matod pa padayong pagpamakak sa mga senador.
Pausob-usob usab nga mibalibad si Guo nga tubagon ang pangutanan sa mga senador kalabotan sa iyang tinuod nga pagkatawo.
Gipangunahan ni Senador Joel Villanueva ang mosyon. Kini ang unang higayon nga miatubang si Guo sa imbestigasyon sa Senado human siya misibat sa nasud kaniadtong bulan sa Hulyo.
Si Guo o si Guo Hua Ping, nga nag-atubang sa mga reklamo sa human trafficking, gawas sa uban pa, ulahing mitambong sa pagdungog sa Senado kaniadtong Mayo 22.
Iligal kini nga mihawa sa nasud kaniadtong Hulyo og nadakpan sa Indonesia og gidala pabalik sa Pilipinas sa miaging semana.
Kahinumduman nga gilambigit si Guo sa operasyon sa usa ka ilegal nga POGO hub nga gi-raid sa mga awtoridad sa Bamban.
Kaniadtong Hulyo usab, gimando sa Senado nga dakpon si Guo og ang uban pang miyembro sa iyang pamilya tungod sa pausob-usob nga wala pagtambong sa imbestigasyon sa upper chamber sa gi-raid nga POGO hub sa iyang lugar.
