GENERAL SANTOS CITY- Miubos ug kwarenta porsyento ang kaso sa dengue dinhi sa dakbayan kumpara sa nakalabay nga tuig, kini ang nahimong pahayag ni Dr Lalaine Calonzo sa City Health Office.
Matud niini nga kaniadto taas ang kaso sa dengue sa dakbayan kung ikumpara sa ubang munisipyo ug syudad sa rehiyon apan nabali na ang sitwasyon tungod daghan ang kasos a dengue sa ubang lugar.
Bisan matud pa sa ihap sa namatay miubos usab luyo nga adunay unom niining tuiga kumpara sa nakalabay nga tuig .
Matud ni dr Calonzo nga late referral ang kaso sa dengue ning syudad tungod ang uban nagtuo nga makaya lamang sa hilot apan ulahi na lamang nahibaw-an nga na dengue na ang ilang pasyente.
Tambag niini sa mga residente nga dili magduha duha nga dad-on sa Rural Health Unit ang ilang pasyente.
Pagka karon matud pa adunay dose ka RHU sa 26 ka barangay ning syudad.
Gikadugang usab niini nga kasagaran sa mga gagmay nga barangay wala nay gikataho nga kaso sa dengue gawas na lamang sa mga dagko nga barangay sama sa Labangal, Calumpang ug fatima.
Bugtong pangontra sa dengue mao ang pagpalimpyo sa palibut maingon man sulod sa panimalay
