Si Golden State Warriors head coach Steve Kerr nangampanya alang sa tandem ni US Vice Pres. Kamala Harris ug Gov. Tim Walz para sa 2024 US Presidential Elections.
Ang mensahe ni Kerr nakasentro sa iyang giingon nga talagsaon nga kahanas sa liderato sa duha ka kandidato, mga kinaiya nga matod pa niya kinahanglang mopatigbabaw sa pagpili sa umaabot nga piniliay.
Ang batid nga NBA coach wala usab makapugong sa pagpaila sa konsepto sa pagpangulo sa sports sa pagpili sa sunod nga mga lider sa US.
Matod ni Kerr, ang ilang nakita nga pasalig, panaghiusa ug katagbawan gikan sa gobyerno sa US sa miaging Olympics, nga girepresentahan usab sa tandem ni Kamala ug Walz.
Samtang, ang kandidato sa pagka-bise presidente sa Demokratiko nga si Tim Walz mipili nga mogamit usa ka analogy sa sports sa iyang mensahe sa adlaw nga 3 sa Democratic National Convention.
Gipakita ni Walz ang usa ka duwa sa crunch time sa 4th quarter diin nag-inusara ang kontra. Siya miingon nga ang mga Democrats anaa sa husto nga team diin si Harris makadaog o makabuntog sa opensa o field goal.
Si Walz kaniadto nagserbisyo isip football coach sa dugay nga panahon.
