Mas daghang mga Pilipino ang nagpadayag sa pagsupak nga himuong legal ang diborsiyo sa Pilipinas.
Base sa resulta sa Tugon ng Masa survey sa OCTA Research alang sa ikaduha nga kwarter sa 2024 sukad sa Hunyo 26 hangtud July 1, migawas nga 57% sa mga Pilipinong hamtong ang supak nga himuong legal ang diborsiyo sa nasud.
Anaa sa 39% usab sa mga respondent ang nagsuporta nga himuong legal ang diborsiyo, miubos ug 2% gikan sa nakalabay nga survey samtang anaa sa 4% ang nagpabilin nga undecided.
Pinakataas nga ihap sa misupak atoa sa Balance Luzon, gisundan sa Mindanao, NCR ug Visayas.
Natala usab ang taas nga ihap sa pro-divorce sa Visayas, gisundan sa National Capital Region, Mindanao ug Balance Luzon.
Nadeskubre sa survey nga gikan sa 39% sa pro-divorce, mayorya kon anaa sa 94% dinhi ang nagtuo nga ang mag-asawang wala nagsinabtanay ang angayan nga mag-divorce ug tugutan nga subling magpakasal samtang 3% lang ang supak.
