Kulang ang P64 matag adlaw kon P21.30 matag kaon sa inadlaw nga gastos sa pagkaon sa usa ka tawo.
Matud sa National Nutrition Council Cordillera pinaagi ni Administrative Region (CAR) nutrition program coordinator Bella Basalong, kulang ang kapin P20 lang sa matag kaon.
Apan giklaro niini nga kon pagpuno lang sa kagutom, makaya lang niini nga maka supply ug carbohydrates sa lawas apan dili na makuha ang girekomenda nga energy and nutrients intake sa usa ka tawo.
Kahibaloan nga mi-reak si Basalong sa report ni National Economic Development Authority (NEDA) Secretary Arsenio Balisacan sa Senate hearing nga ang monthly food threshold matud pa alang sa lima ka pamilya anaa sa P9,581 o P64 matag tawo kada adlaw.
Dinhi gibutyag sa ekonomista nga kung ang usa ka tawo makagasto na sa maong kantidad dili na siya makonsidera nga “food poor” kon “kabus sa pagkaon.”
Apan kini nga report, gibabagan ni Basalong pinaagi sa pag-ingon nga “outdated” na ang kasamtangang threshold sa NEDA tungod sa taas nga inflation rate.
