Mag-abot na sa Pilipinas karong adlawa, Agusto 13, ang Filipino Olympians nga nagrepresenta sa Paris Olympics 2024.
Matud ni Reichel Quiñones, chief sa Presidential Protocol and Presidential Assistant on Foreign Affairs, alas sais karon sa gabie gipaabot nga maabot sa Pilipinas ang two-time Olympic champion nga si Carlos Edriel Yulo kag iban pa nga kaupdanan.
Abi-abihon sila sa First Family sa Malacañang og musunod ang awarding ceremony og dinner reception alang kanila.
Gibutyag usab sa Presidential Communications Office (PCO) nga adunay cash incentive alang sa Olympians apan si President Ferdinand Marcos Jr. na ang mag-anunsyo kung pila ang ilang madawat.
Makaangkon si Yulo og Presidential Medal of Merit samtang hatagan usab ang uban nga atleta og presidential citations dungan sa hero’s welcome sa palasyo.
Sa maong event, gitugutan ang mga atleta nga mag-imbita og hangtod upat ka miyembro sa ilang pamilya apan dili pa sigurado sumala sa opisina kung kinsa ang mag-adto kang Yulo ilabi na gumikan sa kontrobersiya nga nagpalibot sa ilang pamilya human ang iyang pagdaog og duha ka gold medal sa Olympics.
Ugmang adlawa, Agusto 14, naka-schedule ang 7.7-kilometer parade isip pag-ila sa mga atleta.
Una nga gi-schedule ang parada karong adlawa apang gibalhin ugmang adlawa gumikan gabie na sila muabot dinhi sa nasud.
