Gikalipay sa pamunuan sa Armed Forces of the Philippines (AFP) ang nahimong anunsiyo ni House Speaker Martin Romualdez kabahin sa plano nga pagtaas sa subsistence allowance sa mga sundalo ilalom sa 2025 national budget ug kini sobra pa sa doble gikan sa P150 mamahimong P350.00 na kini.
Sa pakig-alayon sa Bombo Radyo kang AFP Public Affairs Office Chief Col. Xerxes Trinidad, gibutyag niini nga ang pagtaas sa subsistence allowance sa mga sundalo pamatuod lamang nga ginaila sa gobyerno ang mahinongdanong papel sa mga sundalo ilabina sa pagpabilin sa seguridad sa nasud og sa soberenya.
Matud kang Trinidad ang pagtaas sa subsistence allowance dakong tabang sa mga sundalo og sa ilang pamilya.
Sa pikas bahin, gipasalamatan usab sa AFP si Speaker Martin Romualdez sa pagsiguro nga magpadayon ang budgetary support sa gobyerno alang sa modernization program sa armadong kusog sa Pilipinas nga mahinongdanon aron mamantine ang operational readiness and capability sa militar nga miresponde sa unsa mang security challenges o hagit.
Hilabihan nga gipaabot sa AFP ang ilang kinasingkasing nga pasalamat sa House of Representatives sa maong inisyatibo og padayong nga commitment aron mapaayo ang kaayuhan sa mga sundalo.
Gisiguro usab sa AFP nga magpabilin sila nga steadfast sa ilang misyon nga protektahan ang katawhang Pilipino og ang estado.
Gibutyag ni Trinidad nga mas nahimong inspirado ang militar nga himuon ang ilang mandato tungod anaa ang gobyerno nga misuporta kanila.
