Migamit ang mga otoridad sa China ug moderno nga paagi aron dili magduka ang mga drayber ug magpabilin nga lagsik aron malayo sa disgrasya.
Kini human gisulayan ang laser installations nga mupakita ug lain laing kulay sa kawanangan nga gipasiga sa nagkalin laing lugar. Miaging tuig pa gimontar ang naasoy nga himan apan karon lang gisulayan .
Usa niini ang makita sa 1,600-km nga Qingdao–Yinchuan Expressway nga nag-unang dalan nga ginagamit sa mga dagkong sakyanan gikan sa capital city sa Ningxia padulong sa port city sa Qingdao.
May kulay green, blue nga hilabihan kataas ang siga nga mudan-ag sa mga driver apan daghan sa mga driver ang nagreklamo nga daw sila mabuta sa naasoy nga laser.
Uban nagbutyag nga na desturbo sa laser samtang uban nabalaka nga makaangkon ug epilepsy tungod dili na makatulog.
Hinuon dili pa tataw kung ang laser system ang hingpit ipatuman human miani ug mga reklamo.
Kahinumduman nga migamit ug desert traffic light aron makalikay sa traffic jam sa mga camel.
