Nagpabilin ang paglaum ni Nesthy Petecio nga makasakmit ug Olympic gold human gipildi ang batan-ong kaatbang nga taga India nga si Jaismine Lamboria pinaagi sa unanimous decision sa round-of-32 showdown sa women’s 57kg division sa away nga gipahigayon sa North Paris Arena .
Si Petecio ang ikaduhang myembro sa Philippine boxing team nga mu advance sunod kang Aira Villegas.
Sa score board sa mga hurado milabaw ang silver medalist sa Tokyo Games 2021 batuk sa iyang kaatbang nga 22 anyos pa lamang ug mas batan-on kaniya ug napulo ka tuig.
Ang kaatbang nga si Jaismine may 5-foot-9 nga may height advantage apan mas hinay ang lihok batuk sa Davao pride boxer.
Nahimo ni Petecio ang pagbuhi ug nga limpyo nga mga punches samtang pakyas si Jaismine nga mag engage.
Mubalik sa action si Petecio sa Agusto dos batuk sa home bet Amina Zidani sa round-of-16.
