Gikondena sa National Security Council (NSC) ang gipagawas nga video nga matod pa naglambigit kang PBBM sa paggamitan og iligal nga droga.
Matod ni NSC Spokesperson Assistant Director General Jonathan Malaya, kini klaro nga gihimo-himo lamang og usa ka malisyosong pagpangilad sa mga katawhan.
Klaro usab nga gigamitan ang maong video og teknolohiya og ‘stage management’ aron lamang makahimo ug isyu.
Nagpakita matod pa kini kung unsa ka-desperado ang mga indibidwal nga daotan ug sulay nga i-destabilize ang administrasyong Marcos.
Gikaalarma usab sa opisyal ang matud pa kalkuladong pagsulay nga pahiran ang imahen sa pangulo, ilabina og gipagawas kini bag-o pa ang iyang ikatulong SONA.
Andam usab matod pa ang NSC batok sa mga susamang matang sa pagpanabotahe aron lamang pahiran ang record sa kasamtangang administrasyon.
