Makataronganon ang P20 milyones nga kantidad sa pagpahigayon sa ikatulong State of the Nation Address (SONA) ni President Ferdinand “Bongbong” Marcos, Jr. sumala ni Representative Erwin Tulfo.
Kini gumikan angay lang matud pa nga dili limitahan ang mga kabalaka sa seguridad tungod anaa man ang mga tag-as nga opisyal sa gobyerno sa maong kalihukan.
Mahimo matud pang kataw-anan kung adunay mahitabo.
Matud usab ni House of Representatives Secretary General Reginald Velasco, ang P20 milyones naglangkob sa: pagkaon ug ilimnon alang sa tanang personahe nga nahilambigit, apil na ang internal ug external personnel sama sa kapulisan, MMDA officers, ug uban pang support staff, atol sa adlaw sa SONA, ug alang usab sa tanang preparatory activities paingon sa kalihokan, uniporme para sa dul-an sa 2,000 ka mga empleyado sa Secretariat (tulo ka set sa uniporme matag usa), nga gamiton dili lamang alang sa SONA kondili alang usab sa ilang adlaw-adlaw nga buluhaton human sa kalihokan, mga gasto sa seguridad, lakip ang mga kawani ug kagamitan, inter-agency coordination meetings sa mga departamento ug ahensya nga nalambigit sa pagpangandam sa SONA, imbitasyon ug giveaways sa mga nanambong isip timaan sa pagpasalamat, gasto sa pag-abang sa mga ekipo alang sa mga LED ug uban pang kagamitan nga gikinahanglan aron mapauswag ang presentasyon sa audiovisual program ug kinatibuk-ang ambiance sa sulod sa plenary hall ug sa palibot sa Batasan Complex, potted nga mga tanom ug mga bulak, nga magsilbi nga mga dekorasyon sa lugar alang sa usa ka maabiabihon ug dungganon nga atmospera, uban pang incidental expenses sama sa collaterals, communication requirements, ug dugang medikal nga suporta gikan sa duol nga mga ospital.
Gihatagan usab niya og gibug-aton nga ang badyet alang sa seguridad, dili tungod sa bag-o nga mga komento ni Bise Presidente Sara Duterte, kinsa miingon nga iyang laktawan ang SONA tungod kay iyang gitudlo ang iyang kaugalingon nga “designated survivor.”
