Human sa pito ka tuig nga nahilayo ang usa ka iro nga gihinganlan nga Ruger, kay nakit-an na pagbalik sa iyang tag-iya sa usa ka local lost and found page sa Facebook.
Ug bisan paman nga pila na ka tuig ang milabay ug nausab na ang dagway niini apan, wala gihapon nakalimtan sa tag-iya si Ruger.
Gisaysay sa pamilya ni Brittany Simpson, tag-iya sa iro nga ulahing nakit-an nila si Ruger, sa dihang nagduwa kini sa atbang sa ilang balay ug natingala sila sa dihang nawala lang kini og kalit.
Dugang pa ni Britanny nga duda niya nga biktima si Ruger sa dognapping.
Ilang gipangita si Ruger sulod sa usa ka buwan ug nag-post pa sa social media bahin sa iyang pagkawala. Ingon man nga naglaum sila nga makit-an ra dayon tungod sa microchip, apan ang ilang pagpangita wala’y napaingnan.
Ug samtang nag-scroll si Brittany sa Facebook, nakakita siya og litrato sa usa ka iro sa Amarillo Pet Lost and Found Facebook page nga nakapahunong sa pagpitik sa iyang kasingkasing niadtong Hunyo 2024.
Matud pa sa post ni Rebecca Latimer sa usa ka post nga iyang nakita ang iro ug daw masakiton.
Giadto dayon ni Brittany ang klinika sa beterinaryo, ug gikumpirmar sa ahensya sa microchip nga kini si Ruger. Nahiusa pag-usab si Brittany sa ilang nawala nga itoy nga gihunahuna niya nga dili na nila makita pag-usab
