Gikumpirma sa Philippine National Police nga nakadawat ang ilang ahensya ug daghang mga tawag kanila nga nagahatag ug impormasyon sa posibleng lokasyon o gitaguan sa self-proclaimed Son of God ug wanted nga si Pastor Apollo Quiboloy.
Matud ni PNP Public Information Office chief PCol. Jean Fajardo, dihang makaistorya ug nakibalita matud pa sila kang PNP Police Regional Office XI Director Brigadier General Nicolas Deloso Torre II, gibutyag matud pa niini nga adunay mga mitawag sa ilang hotline human sa anunsyo nga adunay P10 million nga ginatanyag nga reward alan sa ikaaresto ni Pastor Quiboloy.
Apan gipaklaro usab ni Fajardo nga dili nila dawaton gilayon ang ginahatag nga impormasyon tungod posible matod pa ginalihis lamang sa uban ang pokus ug ginapahigayong imbestigasyon sa ahensya.
Kining tanan matod pa ang muagi sa makuting berepikasyon ug adunay proseso usab silan nga sundon.
