Gikwestyon sa kampo ni Kingdom of Jesus Christ leader Pastor Apollo Quiboloy ang motibo sa mga pribado nga indibidwal sa paghatag ug reward nga P10 million sa makatudlo sa ginataguan niini.
Matud ni Atty. Ferdinand Topacio, legal counsel ni Quiboloy, gusto nila nga mahibaluan kun nganong dili gusto ni Interior Secretary Atty. Benjamin “Benhur” Abalos Jr. nga ipagawas sa publiko ang pangalan sa pribado nga indibidwal nga naghatag ug dakong reward sa makatudlo sa gitaguan sa self proclaimed son of God.
“May mga kwestyon lang po kami… kung [bakit] ayaw sabihin ni Secretary Abalos kung sino itong mga pribadong taong ito para malaman natin at makilatis natin ang kanilang motibo kung bakit itong si Pastor Quiboloy ay binibigyan nila ng napakalaking pabuya,” pamahayag ni Atty. Topacio.
Gibutyag ni Atty. Topacio nga kinahanglan sa mga Filipino nga masayran ang mga butang nga adunay public concern.
Kagahapon, gikumpirma ni Secrertary Abalos nga adunay mga higala siya nga gustong mutabang aron madakpan gilayon si Quiboloy.
Gawas kang Quiboloy, adunay P1 million nga reward nga makatudlo sa mga gitaguan sa lima pa ka mga akusado nga kaubanan ni Pastor Quiboloy.
“Siguro naman makikita niya. Maybe he will see the error of his ways at bawiin niya ‘yan. Kunin na lang pondo ng gobyerno at ilagay sa lugar ‘yung amount,” dugang pamahayag ni Atty. Topacio.
Una usab nga gikwestyon ni Topacio kun nganong wala naggagikan sa intelligence funds sa gobyerno ang patong sa ulo ni Quiboloy.
“Anyare doon sa intelligence funds na talaga namang pinaglalaanan at pinag pupuhunan ng mga pabuya sa ganitong rewards.”
Sa pikas bahin, ginaila usab ni Topacio ang gahom sa Department of the Interior and Local Government ug Philippine National Police nga magpatuman ug patong sa ulo sa mga subject sa warrants of arrest.
Lakip sa mga warrants of arrest nga gi-issue batok kay Quiboloy mao ang paglapas sa Republic Act 7610 ukon Special Protection of Children Against Abuse, Exploitation, and Discrimination Act ug Republic Act No. 9208 ukon Qualified Human Trafficking.
Gi-indict usab si Quiboloy sa federal grand jury sa United States District Court for the Central District of California gumikan sa conspiracy sa pag-engage sa sex trafficking by force, fraud and coercion and sex trafficking of children; sex trafficking by force, fraud and coercion; conspiracy; ug bulk cash smuggling.
